Umwana w'imyaka 6 ari mu gihome nyuma yo kurasa Umwarimu

Polisi yo muri Leta ya Virginia muri Leta zunze ubumwe z'Amerika yavuze ko umwana w'umuhungu w’imyaka itandatu yafunzwe n’Abapolisi nyuma yo kurasa umwarimu umwigisha muri Leta ya Virginia.

Iri sanganya ryabaye kuri uyu wa Gatanu tariki ya Gatandatu Mutarama 2023 ahagana i saa 19h00 ku isaha ngenga masaha ya GMT,ubwo byari saa 14h00 muri Leta zunze ubumwe z'Amerika, ubwo uyu mwana yafunguriraga umuriro w'amasasu kuri mwarimu ubwo barimo kwiga.

Ubwo yafunguriraga umuriro w'amasasu kuri mwarimu we nta banyeshuri bakomerekeye muri iri rasa ryabereye ku ishuri ribanza rya Richneck Elementary school mu mujyi wa Newport News.

Umuvugizi wa Polisi muri Ako gace Bwana Steve Drew mu kiganiro n'abanyamakuru yagize ati “Ni umunyeshuri ubwe ku giti ke w'imyaka itandatu warashe. Ubu ari mu maboko ya polisi, "

Umuvugizi wa Polisi Bwana Steve Drew 

Bwana  Steve Drew yongeraho ati:" ntabwo uku kurasa kwabaye ari impanuka ".

Uwarashwe aka ari Umwarimukazi Abby Zwerner w'imyaka 25 kandi ibikomere bye bikaba bikomeye nubwo yahise yihutanwa kwa mu ganga akaba ari kwitabwaho ari ko ubuzima bwe buri mu kaga.

 Abby Zwerner mwarimukazi warashwe 

         Ubuyobozi bw'ishuri icyo bwatangaje

Umuyobozi w'ishuri rya  Richneck Elementary school Bwana George Parker yagize ati: "Ndumiwe, kandi ndababaye"

Ati: “Dukeneye inkunga y'abaturage kugira ngo tumenye neza ko imbunda zitaboneka mu rubyiruko."

Umuyobozi w'ishuri Bwama George Parker

Dr Parker yongeyeho ati: "Ibi biteye ubwoba, ikintu nk'iki ntigikwiye kubaho." "Turashaka ko ibintu nk'ibi bitazongera kubaho."

Yavuze ko ishuri rizafungwa ku wa mbere, anizeza ko abanyeshuri n’ababyeyi bazahabwa inkunga yo kubafasha guhangana n’ihungabana.

Ntibiramenyekana neza uburyo umwana yabonye imbunda, ari ko Bwana Drew Umuvugizi wa Polisi yavuze ko ibyabaye atari "kurasa ku bw'impanuka".

Abayobozi bavuze ko iri  ishuri rifite abanyeshuri bagera kuri 550 gusa bakaba bari binjiye mu kigo batabanje kubasaka.

Polisi yanze kuvuga ubwoko bw'intwaro yakoreshejwe muri iryo rasana, ari ko ivuga ko uyu mwana yakoresheje imbunda gusa.

             Leta ni iki yavuze kuri iri sanganya

Guverineri wa Virginie Glenn Youngkin, yatangaje ko yatanze ubufasha ku bayobozi b'inzego z'ibanze, yongeraho ko ubuyobozi bwe "bwiteguye gufasha mu buryo ubwo ari bwo bwose".

Yanditse kuri Twitter ati: "Nkomeje gukurikirana uko ibintu bimeze kandi ndizeza umutekano w’abanyeshuri bose ndetse n’abaturage."

Newport news ni umujyi utuwe n'abantu 180.000 kandi uherereye  mu bilometero 112 mu majyepfo y'umurwa mukuru wa Leta Richmond.

IVOMO : Ikinyamakuru BBC

                Ikinyamakuru Dawn