Abandura coronavirus mu Rwanda bakomeje kwiyongera
Mu Rwanda ubwandu bwa coronavirus bukomeje kurushaho kwiyongera ari nako abo ihitana biyongera.
Ku itariki ya mbere za Nyakanga imibare yerekana ko abantu 867 banduye, 10 bagapfa. Iyo mibare ya minisiteri y’ubuzima inasobanura ko hari abarwayi 37 barembye. Umujyi wa Kigali ukomeje kugaragaramo abanduye benshi. Nkubu uwo munsi harimo 208 banduye coronavirus. Noneho ariko Abarimo kuvurwa bose hamwe ni 12,194.
Abitabye Imana ni abagore bane b’imyaka 86, 81 (i Rubavu), 72 na 62 (i Burera) n’abagabo batandatu b’imyaka 89, 65, 56, 51, 46 (i Kigali) na 25 (i Rulindo), bakaba bahise buzuza umubare w’abantu 448 bamaze kwicwa n’iki cyorezo mu Rwanda.
Abantu 251,139 bamaze guhabwa doze ya kabiri y’urukingo rwa COVID-19 (AstraZeneca) barimo 875 bayihawe ku wa Kane.
Inzego zishinzwe ubuzima zisaba Abaturarwanda baba abakingiwe n’abatarakingirwa gukomeza kwitwararika birinda kwandura cyangwa kwanduza abandi icyorezo cya COVID-19 gikomeje kugaragaza ubukana mu Rwanda n’ahandi ku isi.
